“अंगठा छाप विकास”
म छू अंगठा छाप
करू टांढेर विकास
अवगी निवडणुक
भरियँ फारंम….।.।
● म छू अंगठा छाप कुं विय विकास
वावरेम सुकागी उभी पळाटी
घरेम छेणी छछारून बाटी
माटी छोड मोटी मोटी
हानुती कुं विय विकास…..।।
सोट द चळकीर पाणी
माटीर मातेम बेसगी वाणी
तु छी चौथी पास करिस
टांढेर विकास……।।
* म छू अंगठा छाप कुं विय विकास
सोट रंबो राजकारन
लगा गो अपसेर लढाई
सोट वेगो छेटी आपनच
पडरे बाता, बाती…….।।
*म छू अंगठा छाप कुं विय विकास…
राज कर कोर
जेल भोग गोर
कुं विय बापुर
खरो बोल
* म छू अंगठा छाप करू करु
टांढेर विकास….
वावरेम वेगी लांबडी,
बरू घरेम छेयी पारू
अब कुं करू कत जाण
मरू कर विकास सुरु…..।।
* म छू अंगठा छाप हानुती कुं विय
विकास…..
लेखक..
प्रदिप मानसंघ जाटोद
सौजन्य:- गोर कैलास डी राठोड
आॅनलाईन न्यूज़ पोर्टल मुंबई महाराष्ट्र राज्य.
7045870118
