पेलो पाणी
अभाळ गरजो
मरग लागो
अंग ,अंग तावडो
लार , लार छेंडी…।।
मरगेर पहेल बुंद जमीप पडी
मचगो कळोल जंगलेमाई
मोरेर अवाज मलखेमाई
बदल घडो मरगेमाई….।।
पाणी पड डूंगरेम
धुडेर वास मलखेम
अभाळ गरजो
मरग लागो……।।
अंग,अंग पाणी
लार,लार म जातो
धुडेर गंध मनेन भागो
अभाळ गरजो ,मरग लागो…
पाणी पड अन तावडो तप
वो तावडेम सात रंग दिखाव
अभाळ गरजो ,मरग लागो…
.
जंगल तुटगे , तळाव आटगे
काळ पडगो ये युगेम
अभाळ गरजो, मरग लागो…।
माडी बंदागी, वाट बंधागी
छेणी धुड रंबेन असो बालपन
मळेनी ये यूगेम अभाळ गरजो मरग लागो……।।।
लेखक/कवि.
प्रदिप मानसंघ आडे
सौजन्य:- गोर कैलास डी राठोड
गोर बंजारा आॅनलाईन न्यूज़ पोर्टल मुंबई महाराष्ट्र.
