बंजारा व अन्य मागास समाजाच्या स्रिया बद्दल अश्लील व असभ्य लिखाण करणाऱ्या ,भालचंद्र नेमाडे या विकृत लेखकाला अटक करण्याची व त्यांना दिलेले “साहित्य आकादमीचे” 1991 चे व 2015 चे “ज्ञानपीठ ” पुरस्कार परत घेण्याची बंजारा क्रांती दलाची मागणी
“हिंदू,जगण्याची समृद्ध अडगळ”
या आपल्या पुस्तकात श्रीयुत भालचंद्र नेमाडे यांनी बंजारा व अन्य मागास समाजाच्या स्रियांबद्दल अत्यंत हीन पातळीचे अश्लील लिखाण केले आहे,
या मुळे नेमाडे यांचा सर्व थरातून निषेध होत आहे, या लिखाणा बद्दल त्यांच्या बद्धल देशातील 12 कोटी बंजारा समाजाच्या भावना दुखावल्याने समाजात चीड निर्माण झाली आहे , तेव्हा देशाच्या एकूण लोकसंख्येच्या 11% लोकसंख्या असणाऱ्या बंजारा समाजाच्या भावनेचा आदर करून नेमाडे यांना त्वरित अटक करून त्यांना दिलेले साहित्य अकादमीचे व ज्ञानपीठ पुरस्कार शासनाने ताबडतोब परत घेण्याची मागणी बंजारा क्रांती दलाचे राष्ट्रीय अध्यक्ष राकेश जाधव यांनी केली आहे.
एखाद्या समाजा बदल अश्लील पणे लिहून सामाजिक व जातीय तणाव नेमाडे यांनी तयार केला आहे,
कायद्याची भीती नसल्यामुळेच असे गुन्हे वारंवार होत असतात , या साठी असे कृत्य करणाऱ्या विरुद्ध कठोर कारवाईची गरज आहे म्हणूनच खरे तर या बाबत शासनाने नेमाडे विरुद्ध स्वतःच गुन्हा दाखल करून अटक करायला हवी होती,
पण मागास समाजा बाबत शासन नेहमीच उदासीन रहाते , हे दुर्दैव असल्याचे जाधव म्हणाले!
नेमाडे यांना अटक न झाल्यास या बाबत समाज योग्य तो निर्णय घेईल अशी जळजळीत प्रतिक्रिया जाधव यांनी दिली आहे,
पुणे, यवतमाळ व अकोला येथे समाज कार्यकर्त्यांनी नेमाडे विरुद्ध गुन्हा दाखल केला आहे, शक्य त्या कार्यकर्त्यांनी या बाबतीत आवाज उठवून आशा अपप्रवृत्तीना कायदेशीर दणका दिलाच पाहिजे , असे आव्हानही जाधव यांनी दिलेल्या प्रसिद्धी पत्रकात केले आहे.
जर शासनाने नेमाडे विरुद्ध त्वरित पाऊल उचलले नाही तर देशातील 12 कोटी समाज
रस्त्यावर उतरले असा इशाराही जाधव यांनी दिला आहे . या बाबत राकेश जाधव यांनी मा. मुख्यमंत्री,मा.गृह मंत्री व मा. राज्यपाल यांना लेखी निवेदनही दिले आहे.
