!!बेटी बचावो!! बंजारा बोली कविता, कवी: सुरेश मं.राठोड़ काटोल नागपूर
कोई केरी छेनी जगेमं..?
सासरो देरे पगं-पगेमं…..!!धृ!!
बेटी जन्म पाप केराव ..!
बेटा सारु नवस कराव.!!
कोई बेटीन वेचन खाव..!!!
वाली छेनी जगेमं……..!!१!!
सासरो देरे पग-पगेमं…
बेटा-बेटी एकसमानं..!
तो बी बेटीरो कर अपमान!!
मारं गर्भेमं फासी लगान..!!!
पाप वेरो जगेमं……….!!२!!
सासरो देरे पग-पगेम…..
बालपणेम कर भेदभाव..!
बेटान जादा जीव लगाव..!!
बेटी पराई छोड़न जाव….!!!
फरक ई वागेमं………..!!३!!
सासरो देरे पग-पगेमं…..
नर-नारी एकसमानं..!
नारी जल्मेरो करो सन्मानं.!!
कवी सुरेश कररो गुणगाण..!!!
नारी रतन जगेमं………….!!४!!
सासरो देरे पग-पगेमं….
कवी: सुरेश मं.राठोड़ काटोल नागपूर 7350739565
रविराज एस. पवार
Banjara news chif editor
8976305533
