📝गोरसंदेश📝
भियाओ सेन प्रणाम
आपणो आत्मा जत्रा शुध्द वत्रीज शांती आपणेण मळच
सबंध सृष्टी वोरो मोटो घर अन आत्मा ईज ईश्वरेरो नानक्या घर छ, वोन साफ रकाडिया तो यश आपण सोबत छ, वोन गंधो रकाडिया तो उ सैतानेरो घर बनजाये, कत्रा भी कमालो वत शांती छेनी आत्मारो देवेन भजो चिंतन करो मार्ग मळिये जीवन यशस्वी हिये पवित्र आत्मा ती मोटो देव छेनी मंदिर मस्जिद म चोविसतास बेसन भी आत्मा जर शुध्द न रिये तो उ कत मळिये, अंधारेती बाहर वजाळेम आयो आत्मा ती चिंतन करो पच देखो सत्य काई छ वोरो अनुभव आये, आपण दनभर भर कत्रा सत्कर्म किदे वोन आत्मा मुख्य साक्षीदार छ, दुनियान फसा सकाचा वोन आत्मान कु फसायो, गोरबंजारा समाज ई आपणो परिवार छ, ये समाजेरो अंधारो मिटावा सेन वजाळेम लामा सेती जुडा अन समाजेन जोडा केनी भजेम पुजेम वेळ मत घालो पवित्र आत्मा ईज ईश्वरेर घर छ वोनज भजो आराधना चिंतन करो ईज खरो अन अंतिम सत्य छ अन जत सत्य छ वत परमेश्वर छ वत सुख शांती समाधान अन मोक्ष छ।
🌹🌹🌹🌹🌹🌹🌹
🙏किसु🙏
