🙏🙏 *उंगी वांगी संघटना*🙏🙏
🔸🔸🔸🔸🔸🔸🔸🔸🔸🔸🔸
कोई कछं सिंहा तो,कोई कछं वाघ.
जेर जको बाटीप खिचन, पांड़रे छं भाग.
मजं खरों मारज लाल, ई जपरें छं माळ.
*नाळी नाळी मांड़न चुल्हो सीजरी कोणी दाळ…..!!१!!*
🔸🔸🔸🔸🔸🔸🔸🔸🔸🔸🔸
नाम कोणी घाले करणं, एकमेकेप टपरें.
कोरीकोर चलेगे आंघ,आतज हाम खपरें.
ऐरवोर सोबत देखन,वोरोज करण केरें.
मनं वोरो टिटकारों,ई बुंबडी मारन केरें.
*नाळी नाळी मांडण चुल्हो,छिदे छिदे वेरें……!!२!!*
🔸🔸🔸🔸🔸🔸🔸🔸🔸🔸🔸
तु ऐरो,वू वोरों, करण वेरो तारो मारो.
संघटनाम छेनी जोर करण, लागरो कोणी थारों.
विश्वासेती माण़स जोड़न, देदो वोपर भारों.
स्वार्थेरी लढ़ाईमं साळीया, घुंडीवाळो खारों.
*नाळी नाळी मांडण चुल्हो,दिनो दान वेरों…..!!३!!*
🔸🔸🔸🔸🔸🔸🔸🔸🔸🔸🔸
एकजं लोहीं रेताणीं,भाई भाई लड़रे.
जायेर छोड़न आंघ, हाम वझळान पड़रे.
स्वतारो खापर आबं,समाजेपं फोडरें.
आछो बला बोलताणीं,तारी मारी काड़रें.
*नाळी नाळी मांडण चुल्हो,हवा माहीं वड़रें…..!!४!!*
🔸🔸🔸🔸🔸🔸🔸🔸🔸🔸🔸
नायकडा रें बादेमाही, छेणी कोई वाली.
सोबत लेन चालेवाळों,पद रेघों खाली.
निवेदन देयेवाळें,बढ़ाई माररें ठालीपाली.
बंद करों दकान तमार, भरागी छं पाली.
*कोई केर्हे सिंहा तो, कोई कछं वाघ….!!.५ !!*
*नाळी नाळी मांडण चुल्हो पाडरेछं भाग.*
🙏🤝
*कवि*
*संतोष चव्हाण औरंगाबाद.*
प्रमुख प्रतिनिधी: रविराज एस. पवार
