” वाते मुंगा मोलारी ”
भीमणीपुत्र
” साकी “-
‘ भाषा शास्त्रेर अभ्यासकेनं भुळी खरायेवाळे गोर बोली भाषा मौखिक साहित्ये माइर ‘ साकी ‘ ये शब्देरो आरथ जर आपण धेनेम लिदे तो गोर मौखिक साहित्य इ कतरा सुसंस्कृत छ येर जाणीव वेये सवायी रेयेनी.
भाषा शास्त्रेमं एक प्राकृत छंदेनं ‘ साकी ‘ केमेले छ. येर माइ दी चरण नतो पचं दी आदे रचं अन प्रत्येक आदे माइ 28 मात्रा रचं. आसे वाड;मय प्रकारेनं ‘साकी ‘ कचं. गोर मौखिक साहित्ये माइर ‘ साकीरो ‘ भाषा शास्त्रेर दृष्टीती संशोधन वेणो गरजेर छ…!
गोर बोलीभाषा मौखिक साहित्येम 28 मात्रारी वणान ‘ साकी ‘ आज बी आढळ आवचं; जेनं भाषा शास्त्रेर नेमेती ‘ साकी ‘ केतू आवचं.
” दातळा छेनी पातळा छेनी कते काटी घास !
वल्टो भांदी झुपडा सळ्लो काडी वाट !!.
कोयता नाही पोयता नाही गवत कुठे कापले उल्टी झोपडी सरळ वाट घर कसे बांधले ?
ये आरथेर साकी माइर पेले चरणे माइर मात्रा 28 छ. ई कतरी आश्चर्येर वात छ..! गोर याडीर प्रतिभा, कल्पना शक्तीर वर्णन करेनं शब्द बी कमी पडचं…! अभिव्यक्ती इ पुस्तकी पांडित्येपं आधारीत रेयेनी तो ऊ प्रतिभापं आधारीत रचं. येरो ऊत्कृष्ट उदाहरण इ गोर याडी छ..! भाषा शास्त्रेर नेती इ साकी , साकीरे परंपरामं बेसचं.ये साकीरो उत्तर ‘ सुगरण पकेरुर खोपा छ .
‘ दा/ – . त/U , ळा/ –, छे/–, नी/ –, पा/–, त/I, ळा/—, छे/ —, नी/—, क/U, ते/–, का/—-, टी/— घा/—, स/I.
—= 2
U= 1
” नवण छ गोर याडीनं…!ओर ये मुंगा मोलारी अभिव्यक्तीनं ????????????
संदर्भ-गोरपान गोरबोलीतील भाषा सौंदर्य
भीमणीपुत्र
मोहन गणुजी नायिक
गोर कैलास डी राठोड
Tag: Banjara Online news, Banjara Live, Lamani, Lambadi, Roma Gypsy, Sant Sevalal, Lakhishah Banjara, Gormati, Bazigar
