***** नवलेरी *****
वीया वेयेर बाद जको
नवे नवे नाता छोरी लेलेती
नव मीना तोणी वू
घरेम नवलेरी वेतीती …(1)
बोडी रेयेनी नव वजी
बोडी वेयेनी जून
बोडी रछं बोडीज
ई तो नवो वीया वेयेर खूण … (2)
नव(9) नाता देका कतो
देवर,जेट,जटाणी
धणीं,सासू,ससरो वजी
नणद,नणदोयी,दरवाणी … (3)
नवण करं,पगे दाबं
पेले सेवा करती नवलेरी
सासू- ससर,घर आणंदेमं
वोत कमी छेनी कसेरी … (4)
आब छेई घालणो ‘नवाडी’
तरी तळायेम तर जावं तुंबडी
दोई झणा र सुखेती
कोई भलाई मारो बुंबडी … (5)
कमी जादा परमाणेम केरोचू
वाते मारे धेनेम जे आयी
चूक भूल वेजाय तो माफ करो
छू तमारो नानक्या भाई … (6)
संदर्भ : मारतीया रामचंदीया भूकीया बापूर
वीचारेन दीनो म चाल (गेयता) …
लको करन का बढाई मारू
तमारे हुडयांग ठालपाल …
*** लखनकुमार माणीकराव जाधव ***
सौजन्य:- गोर कैलास डी राठोड
गोर बंजारा आॅनलाईन न्यूज़ पोर्टल मुंबई महाराष्ट्र राज्य
