वाते मुंगा मोलारी
My Swan song
गोर धाटीर ऐतिहासिक मोल
“गोर धाटीमं थापेरघर ई नानक्या भाईर जोयीमं जाणू ई नसाब नीति छ.आड्यार लापसी कतो आड्यार घरेम बेसन वेतडू नवलेरी एकमेके कोळ्या खराणू,वेतडूनं वकोल्डी धोकाणू अन वेतडूनं कोतळेसह,नवलेरीर घागरेर छिटेर 12 धडी वदडते वदडते नवलेरीर घागरेर छिटे हेटेन घरेर दरवाजा माइती भारं काडणू ये प्रचलित गोर रुढीनं ऐतिहासिक संदर्भ छ. बारं सेमन बारा धडी;नरेपं नारी चडी ऊ कुणस घडी? येर ऊत्तर साडी ताणेर घडी हानू डायसाण दचं.
वेतडूनं नवलेरीर घागरेर छिटेर 12 धडी हेटेनं घरेर भारं काडेर इ प्रथा पेनार स्त्री सत्ताक संस्कृतीर अवशेष छ.छिटेर बारं धडी,वाया माइर वेतडू नवलेरीवाळे कनेती वसूल आक ढाकर साडे बारं रपीया,बारं कस्सावाळ बाराकसी (बांडी ) ये से द्वादशमानी सिंधू संस्कृतीर अवशेष छ.
थापेर घर, आड्यार लापसी, वकोल्डी धोकायेर प्रथा, वेतडून नवलेरीर घागरेर छिटेर बारं धडी हेटेन घरे माईती भारं काडेर प्रथा ये से जगजेष्ठ सिंधू संस्कृतीर कृषी संस्कृती माईर वसाहत पूर्व समाज रचनार एक महत्वपूर्ण पुरावा ठरचं.
वसाहत पूर्व समाज रचना इ संयुक्त राष्ट्र संघेर मूळ निवासीर एक महत्वेरो निकष छ
भविष्ये माईर सांस्कृतिक संघर्षेर वघम धेनेम लेन गोर धाटी माईर ये महत्वपूर्ण सांस्कृतिक वैशिष्ट्य सवारेर पिढीसारु जतन वेणू गरजेर छ…!
संदर्भ
गोरमाटी संस्कृती आणि संकेत
भीमणीपुत्र
भीमणीपुत्र
मोहन गणुजी नगोर
सौजन्य:-कैलास डी राठोड
बंजारा आॅनलाईन न्युज पोर्टल मुंबई महाराष्ट्र राज्य
