जय सेवालाल
सावधान मित्रो न जाणता व बिना माहितीर मैसेज फॉरवर्ड मत करो
आज पूरा दाड फ़क्त गोवाम संत सेवालाल महाराज मंदिर तोड़े जे पर सोसल मिडिया पर चर्चा खुप जोर सोरेती कर रैछ।
ये पर कोई सामाजिक तत्व राजनीती करैछ की ई पार्टी रो काम छ।
ये विषय पर काई लोग भड़काऊ आर्टीकल पोस्ट कर रेछ। यंग युथेंन पूर्ण माहिती न देता दिशा भूल करेछ।
कोई एरो कारण जानेर कोसिस कर रे कोणती। न ही जेन एरो कारण मालम छ तो पोस्ट कर रे कोणती।
ये विषय पर म ओथेर स्थानिय लोकुती मार वाते हुईच्। उन्दूर के अनुसार म यी पोस्ट लिखो छु।
गोवाम ये जागा पर आपण गोरमाटी र थोडा घर वेते अत ओ करीब 40 वर्षेति वस मेलेते यी सरकारी जागा वेति जे पर करीब 50 घर वेते. सरकारे अनुसार ई जागा पर अतिक्रमण कर मेलेते। अजी दुसर कारण की ये जागा पर कोस्टल जॉन एरिया ( CRZ) कानून लाग मेलोच। जे कारण अतिक्रमण प्रसासनेन हटाणु लागो। अजी तीसरे कारण छ कि अतेन हाय वे ब्रिज बण रोछ।
काई वणा सरकार येतर लोगुन बाकायदा नोटिस भी दीनेते की तम ई जागा खाली कर दो, कानूनी व मानविय अधिकार उलंघन न करता गोवा प्रसासन अतेर लोगुण, गोवाम दुसर जागा पर शिफ्ट कर दिनेछ।
मंदिर तोडेर प्रकरण : सरकार स्थानीय लोगुन साथ लेन चर्चा करण, बाकायदा नोटिस देन व मन्दिरेर मानहानि देन, ई मंदिर मोठे स्तरपर दुसर आछ जागा पर भव्य मंदिर बनाओ, ऒर सारू सरकार मंदिरेर मुआवजा पण दिनेछ। ये से वेर पचछ मंदिर प्रसासन तोडिछ।
मित्रो कोई धार्मिक भावना आहत करेर मेसेज आये तो बिना जानकारी लेता फॉरवर्ड मत करो
मित्रो केरी भड़काउ मेसेज न पढ़ो व न ही फॉरवर्ड करो।
गोविन्द राठोड़
एडिटर : www.Goarbanjara.Com
