चरियेक चरिया चंपावेल
जु जु चंपा लेरा ले
तू तू पूत घडावे लाल
पेलो बेटा नायकी करिय
दुसरो बेटा कारभार करीय
तिसरो बेटा घोडो डुकाय
चवतो बेटा बेपार करीय
पाचमो बेटा पंचहतीयार
छोमो बेटा सो देश फरीय
सामतो बेटा सेरो वचार
लाडी अन लाडा सळं भरतार
आसी जळीय सपूती नार
पंलगेपरिया लेन वतान
गळवंतेन गळं सिकावं
अन गदडिया रात गमावं
पिडी घडाव नेमेती
नायक नसाबी किदे तेवार
सिकच सिकावच
सिके हात मळावच
सिके राज घडावच
सिक जेरी साज पोळी
जादा सिक जेन जादा पोळी
वोरे साथ घीयेर कचोळी
आवगी होळी मारो ठोळी
