दोस्तों आपण आज 21 वे शतके र माई छा।आपण विचार वजी खुप लार छ ये विचारेन गती निर्माण करो समाजेम जुडो अन समाजेन जोडो जो मारो गोर भाई समाजे वास निःस्वार्थ काम कर रोच वो भाईर गोर बंजारा संघर्ष समिति र सारी स्वयंसेवक भाई वडीती आभार कराचा कारण गोर बंजारा संघर्ष समिति न ओसे लोकूर जरूरत छ हमेन हमार समाजेर समस्या कु दुर करे रो ई विचार करन अंग आयेर छ।
विचार जर अच्छे कीदे तो सफलता मळच इ वात सेनच मालम छ।तरी पण कई लोक वेगळे विचार करच वनूर विचार कसो की आपणे एकले ती काई व्हीय, भियाओ एकले ती काई व्हीय करन जर आज आपण बेसगे तो सवारे र काई?
जर इच विचार सेवालाल महाराज किदो वेतो तो? जर इच विचार वसंतरावजी नाईक किदो वेतो तो काई?
जरा आपणे स्वतः र मनेन पुछन देखो?
जर आपणेन आपणो स्वतः र जरी अस्तित्व निर्माण करेर व्हीय तो पहले समाजेन अंग लाणु पडीय कारण कोई भी पंतप्रधान, राष्ट्रपति, मुख्यमंत्री बिजनेस मॅन जरी व्हेगो अन समाजेर अस्तित्व न व्हीय तो ओर काई किमत छेनी येरे सारू पहले समाजेन अंग लावा ओर बादेम तमार स्वतः र अस्तित्व आपो आप घडजावच……
गोर बंजारा संघर्ष समिति र संयोजक श्री.रविराज टी.राठोड
ये भाऊ जर आज खुप वर्षेती समाजेवास काम कररे च कारण वो भी सुरूवात एकले च किदेच जर वो सुध्दा इ विचार करते तो आज आपण समस्या इ एक सपनो बंणन रे जातो वो कई लोकूर समस्या दुर किदे कई लोकून न्याय दराये आज भी वो निःस्वार्थ पणेती कार्य कररे च मन गोर बंजारा संघर्ष समिति र माई जुडन पाँच ते छो मीना हुये च ये 5/6 मीना माई खुप काई समाज हितेम किदे कारण जे मनुष्ये र स्वार्थ रेयेनी ओरे सारू हर काम असान छ एक म्हण मालमच व्हीय भियाओ “जिसकी जरूरते हो कम उसमें हि होता है दम”
इ म्हण खुप छोटो छ पण खुप काई शिखा वच भाईयो मन फक्त इच वात केयेर छ की आपणेन आपणे समाजेवास काई तरी करेर छ येर ओर वाट न देकता सुरूवात स्वतः कनती करो आपो आप से आवच कारण आपण एक अच्छे कामेर सुरूवात कररे चा दरसेक लारेर विचार करन अंग बढो की आपण काई वेते अन् कररे चा
धन्यवाद भाईयो
जय सेवालाल……..
आपका हिंतचिंतक
गजानन डी राठोड
गोर बंजारा संघर्ष समिति भारत
9619401377
