तांडेसामू चालो
जे तांडेम नानक्याती मोटेहिये
ओ तांडेन मत भुलो.
एकनाथ पवार कच
तांडेसामू चालो।।१।।
तांडेम रमतो रमतो
हेगो तू मोटो.
मळगी नोकरी करण
शहरेम संसार थाटो.
गॕसेर भिया बळालिदो चुलो
एकनाथ पवार कछ
तांडेसामू चालो ।।२।।
तांडेर काकी दादी
किदी तार लाड.
ओ काकी दादी सारू
जरसेक वेळ काड.
जे तांडेम भिया तू
फुलेनई फुलो
एकनाथ पवार कछ
तांडेसामू चालो ।।३।।
चायनी तार पिसा आदला
चायनी तार धन.
तांडेम गमेनी तोन
तार शहरेम रमेलागो मन.
नोकरी वाळ भियावो
दी शब्द मिटे बोलो.
एकनाथ पवार कछ
तांडेसामू चालो।।४।।
दनिया पकडरो ‘बुलेट ट्रेनेरं स्पिड
तांडो हमारो डुबरो गाटाम रोज.
तांडेर हाल देखो तो भिया
पच दो ‘हाय-बाय’ हाथेर झोलो
एकनाथ पवार कछ
तांडेसामू चालो ||5||
✍???? गोर अनिल जाधव
मौदा जि.नागपूर
आरोळी : 8379906085
तांडेसामू चालो ई संकल्पना समाजेसारू संजीवनी छ. ये मोहिमेम आपंळ से सामिल वा.
प्रमुख प्रतिनीधी: रविराज एस. पवार 8976305533
Website: www.GoarBanjara.com
