देव तमारो सेवाभाया कहा दुजेन धोकरेचो,
बाप छोड़न काका न कहा घरेम गोकरेचो…
मसनमान अल्ला भूलेनी, जय भिम आंबेडकर….
मराठा बोलच जिजाऊ शिवाजी, बामळ सावरकर…
देमा गरूरे देव तमारो दुजेन धोकरेचो कहा दुजेन धोकरेचो बाप छोड़न काका न कहा घरेम गोकरेचो….
ओनुन तमारो देव चालेनि, तमेन उदुरो सारी
व्याजेती बटेती पिसा काडन पगेती करोचो वारी
सामकी माता याडी तमार दुजेन धोकरेचो कहा दुजेन धोकरेचो बाप छोड़न काका न कहा घरेम गोकरेचो….
याडी मरियामा बोलो भावेती विघ्न धास दूर,
दादा सामतेन हार्द लगाल संकट चकना चूर,
लाखा गोर, जंगी भंगीन कुकाई भुलरेचो….
बाप छोड़न काका न कहा घरेम गोकरेचो कहा घरेम गोकरेचो….
कवी विनायक केरोच गिदेम थोडा विचार करोरे भियाओ थोडा विचार करोरे बाप छोड़न काका न कहा घरेम गोकरेचो…..
जै गोर… जै सेवालाल…
सोबती
गोर सतीश इसळावत
तालुका प्रमुख
गोर सेना, गेवराई
🙏🙏🙏🙏🙏🙏🙏🙏
