*नाईक घराणेरो कुटुंबकलह अन् गोरसमाजेर भुमिका !

प्रा.मांगीलाल राठोड सर,बीजेपीनं पुरे भारत देशेमांईर निरंकुश केंद्रीय सत्ता प्राप्त व्हेगी
जनाती देशेमांईर प्रत्येक राज्येमं
ओंदुरोज सरकार स्थापन करेरो
ओ बेडो वटामेले छं । ओरेसारू
प्रत्येक राज्येमांई बीजेपी पक्षेनं
जतं जतं अडथळा अन् अडचण
दिखावं छं, वतेरो पुरो अभ्यास करन *साम, दाम, दंड, भेद*
ये वातेरो वापर करन ओंदुसरीक
अनुकूल करन लेयेरो पार केंद्रीय
पातळीपरेती ओ पक्षेर अजेंडारी
अम्मलबजावणीभी चालू छं ।येज वातेरो एक भाग करन
ये वेळानं ओ शिवसेनानं जराभी
भीक न घालता आजेताणी सेती
कमी कतो २८८ पैकी फक्त १२४ जागा देताणी गप्प बसारदिने ।ओरेनंतर बीजेपी पक्षेरज जरा
महत्वाकांक्षी खडसेसहित बाकीरे ४-५मंत्री लोकूनं थंडेगार,गप्पगार
हूँ की,चूँ न करेदेता ठोर करदिने।अबं ये भारतीय जनता पार्टीरो
आंगेर मुख्य टारगेट कतो पश्चिम
महाराष्ट्रेमांईरो शरद पवारेरो अन्
विदर्भेमांईरो नाईक घराणो !!आपण गोरमाटी डायामांईरो पाणी भारं वळचाताणी जसो *माचळीनं* वघाडो पाडां छां,
वसेज प्रमाणं शरद पवार येरे
*अगलबगलेर से बगलबच्चा* अन् *पै-पामणेऊँनं* ओरेकनेती
भारं काडन पवारेनं वघाडो पाडेर
राजकीय खेळी किदे छं ।*अबं रेगो नाईक घराणो…??*
~•~•~•~•~•~•~•~•~*साम-दाम-दंड-भेद* ये से
चारी मार्गेरो वापर करताणी
*मनोहर नाईक साहेब* येंदुनं
ओंदुरो राष्ट्रवादी पक्ष छोडेनं भाग पाडेसारू मजबूर करन दिटे ।मनोहरभाऊ पक्षांतर किदे कतो
ओंदुरभी एक विचित्र कोंडी करेरो
*मोटो डाव* आंखन तयार रं,….
जर मनोहर नाईक ये बीजेपीमांई
प्रवेश किदे की पुसदेर जागा यी
शिवसेनानं छोडेरो अन् जर वो
शिवसेनामांई प्रवेश किदे कतो
यीज पुसदेर जागा बीजेपीसारू
जाहीर करन *मनोहर भाऊनं*
अतरी टर्म ठालो-पालो बसारेरो
जबरदस्त गेम रं । ओरेसारूज पुसद विधानसभार उमेदवारी जाहीर करेरो विषय लटकान
रकाडमेलेते ! परंतु….असे ये
कारस्थानी खेळीर जेनं दाद न खबरभी कोनी मालम रं वू
बिचारो *अर्जुनिया भूकीया* यी मात्र शिवसेनारो तिकीट मळेसारू आचभलो मुंबईरी चकरे मारन *येरझाऱ्याने शिंगरु गारद !*
कं जसो हाल करलीदो । अन्
अबं *”जय महाराष्ट्र”* केतो
धोळो ????झेंडा छोडदेताणी
रातडो झेंडा????ओरे खांदेपर
वटामेलो छं । आछ वात छं ।
आंगं महामंडळभी मळजायं!अशी ये परिस्थितीमांई जना
बीजेपीवाळ मनोहर नाईक येंदुनं चारीवडीती घेरन ओंदुरो राजकीय
खच्चीकरण करेरो षडयंत्र करेर
वात ओळखन मुरब्बी, चतुर अन्
चाणाक्ष राजकारणी मनोहरभाऊ
ये स्वतःर राजकीय प्रतिष्ठानं आंच न आयेदेसारू ओनं अबाधित रकाडन स्वतः निवडणूकीन न
हुबरता आपणो बेटा *इंद्रनील*
येंदुनं निवडणूकीरे फडेमांई हुबो
किदे छं ।*नीलयभाऊ नाईक येंदुनं*
एक सालेआंगज मंत्रीमंडळेमांई
लेयेवाळ रं, परंतु मनोहर नाईक
येंदुरो प्रभाव कमी करेसारू एक
राखीव मोहरा करन ओंदुरेउपर
दबाव लाताणी, ओंदुरे ईच्छारे विरुध्द *तुम्हाला मंत्रीपद तर* *निश्चित देऊ* परंतु त्यासाठी बीजेपी पक्षाकडून पुसदच्या
विधानसभेची निवडणूक मात्र
तुम्ही लढवली पाहिजे,अशी अट
घालन ओंदुनं हुबो किदे छं ।(निलयभाऊ सरीको एक उच्च
विद्याविभूषित,कायदेतज्ज्ञ,एक
LLB गोल्ड मेडेलिस्ट रेताखेपी
छं जको MLC.छोडन फरन वजी
विधानसभा लढायेरो विचार कूँ
करियं, यी मजबुरी अन् खरी वस्तुस्थितीभी हमेनं समजन
लेणू लागीयं । जो पक्ष स्वतःरे
पांच मंत्रीऊँन तिकीट काटछं
परंतु स्वतः व्हेन निलय भाऊनं
उमेदवारी लादं छं,ओ वातेरोभी
हमेनं विचार करणू भाग छं।)मारो आजेताणीरो एक स्पष्ट
अनुभव छं की, जे मतदारसंघेमं रुलींग सरकारे विरोधी आमदार
रं छं, ओ मतदारसंघेमांई प्रत्येक
विकास कामेसारू बजेट मळेनी।
सरकार वतं हरयेक वातेसारू
अडवणूक करं छं ।उपरेर से वातेर परिस्थितीरो
आपणो ताडो सीळो रकाडन
पुसद मतदारसंघेर गोरमाटीऊँनं
परिपक्व विचार करताणीन एक ऐतिहासिक असो योग्य निर्णय लेणू भाग छं की,…..आपणेनं नाईक घराणेरो फक्त
एक *आमदार* चावं छं,कांई….
नाईक घराणेमांईरोज पर्यायी *आमदारकीसह मंत्रीभी*
चावं छं ??कारण पांच सालेरो राजकीय
सत्तारो कालखंड यी दूरगामी
परिणाम करेवाळो रं छं । करन
आपणेनं खोजेमांई देकन शेवटी
भावनारे भरेमांई चुकीरो निर्णय
न लेता प्राप्त परिस्थितीनं साजं
वसो सामाजिक हितेरो भान रकाडन पोक्त असो ऐतिहासिक
निर्णय लं जको ठीक रियं ।*शेवटेनं मातो तमारो !*
*अन् विचारभी तमारो !!*
*निर्णय मात्र समाज हितेरो !!**जय सेवालाल !*
*जय संविधान !!**- गोपाळ के. चव्हाण,*
*लातूर.*