बंजारा कर्मचारी रो सामाजिक उत्तरदायित्व

भारत देशे ाई बंजारा समाजेन वेगवेगळे नेंती ओळखचं काही राज्यं म लंभानी, लमाना, लमाणी, बंजारी, बंजारीया असो कमजादा 27 नामेति परिचीत छ । हानु नाळीनाळी नामेति समाजेर ओळख व्हेंळु तोई, सेच देशे ाईर गोर, भाई स्वतःन गोरमाटी केयमच धन्यतामानचं भारतेरे से राज्य मं बंजारा समाजेरो वास्तव्य छ । आजेरे आधुनिक युगे दळवळणेरी साधन छ । परंतु लारेरे शतकेम दळणवळणेर साधन व्हेतीती कोणी, गोर लोकुरों संबंध ऐके राज्यते दुसरे राज्येती व्हेतीती कोणी, आज आपळ दिटेतो बार कोसे परच आचार विचारें फरक पड जावचं पळंण गोर समाजेरे बाबतीम शोध लिदे तो कळच कं संपूर्ण देशें गोर समाज एकच बोली भाषेती बोलच. आचार, विचारें समानता छः । संस्कृति सारखी छः । केयेरो मतलब छ की, आपळो इतिहास, आपळी परंपरा अतिशय मजबुत रेणं सुध्दा आपळं आज संपुर्ण क्षेत्रमं पिछाडीपर पडरेचाआज देशे ाई एक संघेरी ताकतेपर लोक आपणी, आपणी जाते, समाज मजबुत कररेच पच ये वाते पर आपळं करा विचार करेवाळछां कारण विचार करे शिवाय, आचरण आणि सेवयीमं बदल व्हेयेवाळो कोणी, हेगेल नामेरो विचारवंत कचं, विचार परिवर्तन ये हर परिवर्तन का मुल है ।

काळो दोरो गाट गटोळो वलटे
पडगे फांसा अरे गोरून छोडन
चलेगे आब तमाप कायी आसा ।

जेस लागू आपलं विचार करेवाळ कोणी वोस लगू बदल व्हेवाळो कोणी. कांई लोक गोरूमं परिवतृन करेवास प्रयत्न कररेच वो अभिनंदनेन पात्र छ । परंतु हमार माईर बकळसे कर्मचारी पच वो कुळंसेभी क्षेत्रे माईरी रो, चाहे वो कुंळसो भी हुद्दा पर काम कररे हेंळु तो भी वो घेरी नींदे सुते छ । हामच, हमार समाजेन होटो लायरो काम कररेचा, समुद्रेर माई एक जेलफिश माचळी रच वू समुद्रेर मांई गोगलगाईन गल जावच पळंन गोगलगाईनी शंखेरो कवच रच वोरे अवगाती बच जाव छ । पळंन वू जेलफिश माचळीनमाईर माईच पेटें खायन सुरूवात करदच, एकदाडो आसो आवचंकी गोगलगाय जेलफेश माचळीनं पूरी खा जावच । हाईवात बंजारा कर्मचारी न लागु वच, बंजारा समाजेन होटो लायरो काम दुसर लोक कररे कोणी तो हाईकाम हामच कररेचा. येरे बाबतीम गोरमाटी मं एक केळांवट छ, येरे वास कर्मचारी भाई विचार करा, वसंतराव नाईक साहेब आरक्षणेर लढाई न रमतो तो आपण कत रेते । आपणेनं आज जे भी कांई मळरोच वु समाजेर हिस्सेदारी छ । समाजेरे भरोसे पर दर मीनांन आपळेनं पगार मळच, सेवा निवृत्त व्हेयरबाद, पेन्शन मळच, माईच जर आपळें बाबतीत मं अघटित घटना घडगी तो लार आपळें घरेवाळेन सुध्दा पेन्शन मळच, जर आतरी वाते समाजेरे भरोसे पर आपळेंन मळरी व्हेळूंतो आपळं समाजेवास कांई कररेचा आणि काई करेनचाय येपर विचार करेयन चाय.

बंजारा समाजेरो सर्वे किदे तो एक वात लक्षें आवच, बंजारा समाजाईर 90 टक्के कर्मचारी समाजेती बेईानी कररेच, मारो मत सेज कमृचारीर बाबतीमं छेई । काई गोरूमाईर कर्मचारी समाजेर सेवा अतिशय तन,मन, धनेती कररेच पळंन कांई हमार गोर कर्मचारीन गोरमाटीम बोलेर लाज वाटच, बंजारा संस्कृतीरो र्हास करेवास वोनुरो प्रयत्न रच. बंजारा महामानवेर जयंती, पुण्यतिथी सनउत्सवें हिस्सेदारी, सहभागी व्हेय वास आंग, पाच करच. आजेरो युग हाई अतिशय गतिमान युग छ । आज प्रत्येक लोक आपळों, आपळें देकरेच, लारेर काळेमं जे बंजारा लोकुमं संघभावना व्हेतीती वू संघभावना आज दकारी कोणी आजजेभी कांई मळरोच वू संघ भावनारे भरोसेपर मळरोच आज देशे माईरी प्रगत जाते सुध्दा समाजेनं जागृत करेवास, संघटीत करेवास, रातदाड एक कररेच पच आपळं कतरा दाड घेरी नींदे सोयेवाळछा आज भारतेरे माई कम शिक्षित, कम जागृत, कम संघटीत समाज करन गोरमाटीनं कियेर वेळ अवघीच जर हाई दशा व्हेंळुतो आयेवाळे पीडीवास आपळं काई छोडन जायेवाळछा येप विचार करेर गरज छ । वैयक्तीक जीवने ं जरी आपळं सक्षम व्हेणूं तोई समाज करण आपळं घळे लार छा । आपळों मोठपळो समाजेरे भरोसे परेरोछ ई वात धेनें लेळुं गरजेरो छ ।

ये संबंधी डॉ.बाबासाहेब आंबेडकर कच जो लोग इतिहास भुलते है उन्हे इतिहास खत्म करता है । येरेवास गोर संस्कृतिक, गोर समाजेनं जागृत करेर, समाजेन संघटीत करेर मोठ जबाबदारी कर्मचारी वर्गेर छ । येरे सारू पेलो काम आपळें आचार आणि विचार मं परिवर्तन करेर आवश्यता छं । स्वतःरे घरेमं गोरमाटी बोलणू आवश्यक छं, आपळें छिछाबरूप गोरूर आदर्श संस्कृती प्रभाव कुरिये येरे वास प्रयत्न करेर आवश्यकता छ, गोरूर प्रेरणादायी नेतृत्वरी, जयंती उत्सवे ं हिस्सेदारी देताळी सहभागी व्हेळू आवश्यक छ वोरे बराबर गोर साहित्य, साप्ताहिक, मासिक येणूनं ताकत दियेरे गरज छः वोरे सातोसात आपळी छुटीरो एक दन समाज जागृती करेवास म्हणजे हमारे समाजेरो जमेजु सर्वे करताळी तांडे कतरा कतरा छिछाबर शिक्षित छ, शिक्षणेरो प्रमाण कतराक छ, वोरे वास शैक्षणिक मां प्रेरणा कु निर्माण व्हिये, कुंळसे क्षेत्रे मं वो जायंचाय आपळो अनूभव केताळी शैक्षणिक प्रेरणा निर्माण करेर घळं गरज छ । कारण दाडेती दाड गोर छिछाबरू री शैक्षणिक प्रेरंणा खत्म व्हेरीच जेस लगू बंजारा समाजें शिक्षणेरो प्रमाण वाढेवाळो छेई वोस लगु समाजेरो अधःपतन थांबेवाळो छेयी, हाई जागृतीरो बीडो बंजारा कर्मचारी वटायवाळो कोणी, वोस लगू समाजे पवितृन व्हेळू अवगड छ. प्रत्येक कर्मचारी नं स्वतःर, स्वातंत्र्यर आणि मळेमळाय फायदेर किंमत चुकांळुच लागेवाळोचं नतो हे व्यवस्थामं टिकणू घणो आवगड छं. ये विचार मं मांडेरो प्रयत्न किदोचु पेलं मं घळो सांळो छेनी पळं मनेर वेदना आपलेंस लगू पुंचाळो गरजेरो वाटच.