गोर बंजारा तार जात चोर छ
तार माथेप विमुक्त इ कलंक छ।
लेखक:-सुखी चव्हाण,बदलापुर
इंग्रेजेरर आंगाड़ी ब्रिटानी हुकूमत हेती जना गोर समाज लढ़वया व्हेतो ऊ मोगले विरूद्ध महाराणा प्रतापे बरोबर लढ़ो ब्रिटानी हुकूमत जवळ जवळ ५०० जमातींन सूचिबद्द कीदो वो जाती खुप शूर लढ़वय्या व्हेती करन ये जमातींन अपराधी मांनन क्रिमिनल ट्राइब करन घोषित कीदे जना इंग्ररज सरकार राज आयो वो वेळेन गोर व अन्य अपराधी समाज इंगरेजर खजिना लुटते ते जना इ सरकार ओनुर सुविधा क़रिता सन १८७१ माई क्रिमिनल ट्राइब क़ानून लागू करन १५० जनजातींन अपराधी जात करन शिक्का मोर्तब क़रेन आयो ये जनजाति जन्मेतीच अपराधी छ यर सारू इटलिती डाक्टरेर टीम बलान इ अपराधी जाती जन्मेतीच अपराधिच छ। असो निष्कर्ष काडे नंतर ये अपराधी समाजेप अनेक अत्याचार कीदे. कुणसोच अधिकार दीने कोनी नंतर मिशनेरी मार्फ़त अनेक प्रलोभन दकाळन धर्म परिवर्तन क़रेन भाग पाड़े हिन्दुस्तान १५ ऑगस्ट१९४७ आज़ाद व्हेगो पण बंजारा समाज स्वतंत्र कोनी वियो हिन्दुस्तानेर संविधानेम अपराधी समाजे विषयी विशेष काई लकेम कोनी आयो ३१ ऑगस्ट१९५२ माई पंतप्रधान जवाहरलाल नेहरुर कारण अपराधी समाज (गोर समाज सहित) विमुक्त क़रेन आयो यर अर्थ तमार जात चोर व्हेती अब चोर कोनी विमुक्त इ फ़ार मोटों कलंक आपणे माथेप छ ओर कारण आपनेंन आज भी अन्य समाज हामेंन स्विकारो कोनी आणी प्रशासन भी कोनी स्विकारो. कनाइच आपनेंन संघटित कोनी व्हेय दीनो आपसेमाइ लढ़ाई लगान आपनी राजनीति करू कीदो.काई बुद्धिजीवी लोकुन वेगळे समाजेर विचारधारा पेरन समाजेम दुफ़ळि निर्माण करेर प्रयत्न आज भी चालू छ इंग्रजेर वेळेन अत्याचार करण ख्रिचन धर्म स्वीकारेंन भाग पाड़े अब अवैचारिक बीज समाजेम पेरन बौद्ध धर्म परिवर्तन करे सारू काहि समाजद्रोही काम करतू दीसारेच. अपनी बुद्धि गहाण पडगी छ. कारण चोरेर काई अस्तित्वच रेयनी इ वात सिद्ध व्हेरोच मन वाटच हाम शापित छा करन संघटित कोनी व्हेरे कोई भी समाज बांधव समाज संघटित करें सारू कूणसे तरी मध्यमेती एकत्र लायर प्रयत्न कीदे तो कायीक मिलावटी नयी विरोधक नकारात्मक विचार लेन आवच जाव छ. सावधान। सावधान।।सावधान।।।
युवा पिडिंन अव्हान छ
समाज बचाव कलंक मिटाओ
लेखक..,, सुखी चव्हाण.बदलापुर
९९३००५१८६५
गोर कैलास डी राठोड
Tag: Banjara Online news, Banjara Live, Lamani, Lambadi, Roma Gypsy, Sant Sevalal, Lakhishah Banjara, Gormati, Bazigar
