बंजारा समाजेर “पोरीया तारा”
गोरमाटी समाजेम जलमो हीरा
धरमंणी याडी भिमा नायकेरो छोरा ……||धृ||
गोरमाटीसारु वु तो किदो कोनी विया
नाम छ वोरो कोरे-गोरेरो सेवाभाया
गोर समाजेप वोर हरघडी छाया
हाकमारा वोन केन मोतिवाळो सेवाभाया…..|1|
सेवाभायान काचा आपंण पोरिया तारा
सेवाभायारे नामेती वजांवा थाळी -नंगारा
गोरमाटी एकिसारु तांडोतांड फरा
सेवाभायारी वाते वचार पचारा
मत बेईमान हो गोर -बंजारा..||2||
गोरमाटीसारु सेवा फरो वनवन
विचार करन गोरुरो धांटो रानरान
गोरमाटीसारु सेवा किदो चिंतन
‘वसंत जाधव’ गारो सेवारो गुणगान
गोरभाई रेदो सेवारो अभिमान
सेवा शिक्षण लो केगो मत रो अज्ञान..||3||
गोरुसारू छोडो सेवा याडी बाप घरदार
किदो संसारेरो त्याग अन्
बणगो समाजेरो आधार
गोर भाई करो सेवा रे विचारेर
कदर..||4||
सेवाभाया गोरुसारू झिजो- मरो
छोड दिनो घर होटो कोनी फरो
गोर भाई आब तोई विचार करो..||5||
वाट भुलगे गोर पडरे भुलाडी
लाबरी कोनी वाट धांसरे चारिवडी
कोनी रकाडे बळद भेसी-गावडी
रच झुंपडीम कोनी बांधे बंगला-माडी
कोरूरे पगेहेट मेल गोरूरी पगडी…||6||
सेवाभाया वेतोतो गोरुरो महाराजा
मत बुडांवा नाम वोरो दिल्लीम फडकांवा धोळो धजा
गोंडा घोळामत आब दिलीती
रे लाजा
तीन भाई तीजा अन् छिदे-छिदे व्हेजा…||7||
गोरमाटी समाजेम जलमो हिरा
धरमंणी याडी भिमा नायकेरो छोरा……
कवी:-
श्री.वसंत बालाजी जाधव (लाखा)
मु.मानसिंग तांडा(पिंपळकुंठा) पो.येवती
ता.मुखेड जि.नांदेड (महाराष्ट्र)
मो.7709702081
9922667921
सौजन्य: गोर कैलास डी राठोड
वसंतरावजी नाईक बंजारा परिवर्तन चळवळ महाराष्ट्र राज्य.
Tag: Banjara Online news, Banjara Live, Banjara Sons Lamani, Lambadi, Roma Gypsy, Sant Sevalal, Lakhishah Banjara, Gormati, Bazigar
