भाटा (दगड़)भावना शून्य छ….
✍ सुखी चव्हाण ,बदलापुर
आज समाजेर स्थिति अतिशय द्रावक़ छ.बालबच्यार शिक्षण,महिला ,वयोवृद्ध नगरीकेर एनुर आरोग्य चिंतनीय छ भरपूर आन्ध श्रद्धा छ .निर्मूलन हेनु आवस्यक छ.समाज व्यसनाधिन छ ओर उच्याटन करेर गरज छ .ओर गाम्भीर्य बुद्धिजीवी लेताना दिखारे कोनी . यर उलट काहि समाजेम टेढ निर्माण करे वाले समाज कंटक समाजद्रोहि इतर समाजेर कटोरों वटान काम करन समाजेर प्रायायती स्वतः र भी नुक़सान कर रे छ .
इ कटू सत्य छ .वेलिच एनूर ड़ाव उलटाय कोनी तो ए वारन्वार समाजेर अस्तितवे प घाला घालेर काम चालूच रक़ाडे व भोलेभालें निरागस समाजेम अविचारेर विष कलातानी शोषण करन दूसरे धर्मेर दलाली ,दादागिरी व दबाव नाकन धर्मांतर घड़ान लाये
इ वस्तुस्थिति नकारतो कोनी आव.
युवा मंडलि सावधान वेळ वैरि र छ (समाजद्रोहि) .असे ग़द्दार लोक़ून समाजे माइती हद्दपार करो .गोर समाजेर कूनसेच मंचे प स्थान मत दो.
कारण ये भाटा (दगड़ )छ भावना शून्य छ ‘
माते माई भाटा घालन… *
खुन ओनुर कीदे…*
ख़ून कीदे ..ख़ून कीदे ….
मरेवालो समाज चिंतक तर मरगों…
नंतर जे मारेवालो विद्रोही ऊ पण मरगो…
पण ऊ भाटा(दगड )ओतच पड्न
आलडां आलड़ा न जगेंन केरोच ….
म क़तरा मोठो पराक्रम किदो .
म ख़ून कीदो
म दोइ र जीव लिदो..
गोर समाज हितचिंतक युवा पीढ़ि न हाथ जोड़न विनती छ *
सावधान… ! सावधान! सावधान।
समाजेम असे काही भाटा(दगड ) छ..
जे आपनेआपने माई लड़ाई लगावच..
आपण एकमेकेर माथों फोडा फोड़ी कराचा नुकसान आपने गोरसमाजेर व्हच …
आपन बरबाद व्हचा आणि …
”भाटा मात्र बाजून व्हे जावच…
करन शिवतंत्र क च
वध व्हे र आँगाड़ी सावध व्ह..
बरबाद व्हे र आँगाडी आबाद व्ह..
सारी गोर बंधु, भगिनी …कृपा करन *
शिवरायांर शिवतंत्र समजन लो..
जे लोक स्वतःर स्वार्थ सारू कीव्हा
मोठेपमो सारू कनेर लोक तोडच..
असे लोक छोटी छोटी लुटूपुटूर लढाई जीके सुद्धा. पण अंतिम युद्ध कधीच जिंक शकेनि .
कारण …
घरेमाइती शत्रुता निर्माण करे मूले,
भारेर शत्रु न लड़ाई करता जिक छ…
करन शिवतंत्र क छ
जोड़तु न आये तो जोड़ो मत..
पण …
आपने लोक़ून तोड़ो मत .
✍ सूखी चव्हाण, बदलापुर
????9930051865
–गोर कैलास डी राठोड
गोर बंजारा न्यूज पोर्टल मुंबई महाराष्ट्र राज्य,
मो.9819973477
Tag: Banjara Live National News, Indian Banjara News, Lamani, Lambadi
