मुकदमेरं हाल अन् लेबरेरं बवाल.
आवगी गाडी हातेमाई कोयता
मुकदमं केरो मारेहातेमं सत्ता
धासगे लेबरं छेयीं ओनूर पता
सायब केरो दाखवतो तुला आता. (1)
गाडी खेचनं लेलेगे सायब
पिसा लेबरं हेगे गायब
बाई केरी घटना घडगी अजब
मुकदमं केरो येळं आयीं खराब. (2)
दारू पियेन बेटें बारेंम
जिंदगी जगरे ऐषआरामं
बाई केरी कसो मळों या हरामं
सख सांतता छेयी ये घरेमं. (3)
एकमेकेपर छेयीं येनूरो विसवास
माटी करो बन्ध करतारो बकवास
बालबच्चापर आवगो वनवास
लोक देकरो तमासो झक्कास. (4)
बंजारा समाज प्रबोधनपर कवीता
कवी:गोर सचिन राठोड
गोर सिकवाडी विभागीय संयोजक भोसरी, (पुणे)
मो.नं.(9552851653)
प्रमुख प्रतिनीधी: रविराज एस. पवार
ऑनलाइन बंजारा न्यूज पोर्टल
8946305533
