मोर्चा न चालो रे तम, मोर्चा न चालो।
डोकरा-डोकरी न लेलो, बाई-मनक्यान लेलो।
छोरा छोरी न लेलो, हक्क आपणे मळालो।
गोरमाटीर मोर्चा न चालो…
सेवाभाया केगो गोरूर राजवट लाया।
गोरमाटीर मागणीन कोई दाद कोनी दिने भिया।
18 मार्चेन आझाद मैदानेपर आताणीन बेट जाया।
सरकारेन निंदेमाईती जगा नाकीया।
गोरमाटीर मोर्चान चालो रे तम…
जातेर फायदो लेन साहेब बणगो।
आज परत फेडेर वकत आवगो।
लाज मत वाटेद भिया मोर्चान आवजो।
गोर बंजारा संविधानिक हक्क महासमितीर हाकेन धावजो।
गोरमाटीर मोर्चान चालो…
…आत्माराम चव्हाण (कल्याण)
संपर्कः 9930771818
