अनवाल –
“शिवपार्वतीरो आदिम रुप गणगोर” ई निसर्गशक्तीरो ऊर्जामय संयुक्त स्त्रीपुरुष रुप छ.कांयी कांयी तांडेमं गणगोर ये संयुक्त आदिम देवतार नातो ‘राधाकृष्णेती’जोडन गणगोरेर जागं राधाकृष्णेर प्रतिमार पूजा करेर प्रथा रुढ वेरी छ.
कांयी कांयी तांडेमं “राधासामी” ये पंथेर घणे अनुयायी वेरे छ.इ निसर्ग पूजक गोरगणेर दिशाभूल छ.राधामोला नामेर कोयी गोरमाटीर पूर्वज अस्तित्वेम छेनी.इ से कपोलकल्पीत थोतो इतिहास छ.
राधा नामेर कोयी पात्र महाभारत,हरिवंश,भागवतपुराणेम आढळेनी.हानू अभ्यासक कचं.
ये संदर्भेमं जेष्ठ सायित्यिक अशोक राणा कचं क,”राधा हे पात्र मुळातील कृष्णचरित्रात नाही.ते कवी व कलावंतानी त्यांच्या भावभावनांच्या प्रकटिकरणाकरिता निर्माण केलेले काल्पनिक पात्र आहे”.
टिप – फगत १५ रपीयारो अशोक राणा लिखित “राधेची बाधा” ई मुंगा मोलारो पुस्तक वाचो..खरो इतिहास कळ जाये.वाचन संस्कृती रूजे सवायी तांडेमं नवो बदल घडेवाळो छेनी.परिवर्तनेर चळवळीमं वाचन संस्कृतीर ताकत घण मोट रचं इ धेनेम रेयेदो….!
भीमणीपुत्र
मोहन गणुजीनायक
गोर कैलास डी राठोड
गोर बंजारा आॅनलाईन न्यूज़ पोर्टल मुंबई महाराष्ट्र,
