जतलगस ‘श्वास’ छ
ओतलगस ‘आस’ छ
बाकी सब ‘बकवास’ छं !!धृ!!
इड़ा-पिंगळारो अजब मेळ
सुसुम्ना करं सारी खेळ
आढ़ाई सेंकद फक्त खास छं !!१!!
बाकी सब बकवास छं!!!
पाच तत्वेरी छ ई काया
तीन गुणेम सत,तम,माया
देखो वजाळो हमखास छं!!२!!
बाकी सब बकवास छं!!!
नव दरवाजा खुल्लम खुल्ला
दसवे द्वारेप बंद छ ताला
अष्टोप्रहर सहवास छं !!३!!
बाकी सब बकवास छं!!!
श्वास कळो तो जीवन कळगो
माेह माया छल कपट बळगो
आसो श्वास निर्दोस छं !!४!!
बाकी सब बकवास छं!!!
जन्म मरण छ बारंबार
मनक्यारो जीवण एकजं बार
कवी सुरेशेन विश्वास छं !!५!!
बाकी सब बकवास छं!!!
कवि: सुरेश राठोड़- काटोल-नागपूर फोन.7350739565.
प्रमुख प्रतिनिधी: रविराज एस. पवार
ऑनलाइन बंजारा न्यूज पोर्टल 8976305533
