!!●●दवाळी●●!! (Dawali)
दवाळीर दिवा
लागरेते घर-घर
मार याड़ी देखरीती
घड़ी-घड़ी वर-पर….!!१!!
परभातीजं बापं
चलगोतो हाटेनं
आंधारेम याड़ी
टकरीती वाटेनं……!!२!!
आब आय पच आय
याड़ी वाट जोवरीती
मनेम कड़ापो ओन
गरीबी भोवरीती….!!३!!
कटाळन याड़ी
केयेलागी मनं
जोनी भिकीया घरं
आजो विचारनं…….!!४!!
भिकीयारं बी हालत
मारजं नाई वेत्ती
ओरे बी घरेरं
बत्ती गुल वेत्ती…….!!५!!
दवाळीरे दन याड़ी
चुलो सळगाई
काळोभुर गोळ
पाणीम परगळाई…..!!६!!
शेरभर आटेरं ऊ
करनाकी कड़ाई
थाळी चाट-चाटन
हाम माररेते बढ़ाई…..!!७!!
साटारो ठेकेदार
पिसा कोनी दिनो
दवाळीरे दनं बाप
हाय नाक दिनो…….!!८!!
कना विय रं वजाळो
कना खाया घीयेती पोळी
जना टुटीय गरीबीरी नाळ
पचं मनाया दन दन दवाळी..!!९!!
!!कवी!!
सुरेश मंगुजी राठोड़!!
काटोल-नागपूर
मुळ गाम→→→मु./पो. सिंगद,ता.दिग्रस,जि.यवतमाळ.
मार से सकीया-दकीया याड़ी-बाप,भाई-भेन,काका-दादा,सगासेण,गणगोतेन मार व मार परिवारे सामुती वरसे दनेर दवाळीर हार्दिक-हार्दिक शुभेच्छा.!!!!!!
प्रमुख प्रतिनिधी: रविराज एस. पवार
ऑनलाइन बंजारा न्यूज पोर्टल
www.GoarBanjara.com 8976305533
Tag: Banjara Dipawali, Diwali Banjara mera girl
