🙏सत्यजीवन प्रार्थना🙏
म एक आत्मा छु।
म संपुर्ण ईश्वर रचित सृष्टी पर प्रेम कंरींव।
म हमेशा “सत्य”,”न्याय”, सोबत रीयु।
म हर “जीव”ती स्नेह रकाडीव।
म जात-धर्म बंधनेती अलिप्त रीयु।
म हमेशा आनंदीत रीयु, सेन आनंद देर प्रयत्न करीयु।
म कुणशी संकटेती चमकीव कोनी संपुर्ण सच्चाई ती वोर सामना करीव।
म मनक्या रुपेम पेदा हेचु, एक आचो मनक्या बनेर प्रयत्न करीव।
म मार स्नेही आप्तजनेती प्रमाणिक रीयु।
म मार शरीर बुध्दी प्रत्येक अंगेर वापर करन सत्कर्म करीव।
म केरीपर बोझ बनुकोनी, मार शक्ती नुसार कर्म करतो रीयु।
म मार शरीरेन व्यसनाधीन बनायु कोनी, शरीर सदृढ योग ध्यान, सात्विक आहार
लेन निरोगी रकाडीव।
म मार याडीबाप भाईभेन सगे सोयरे गोरसमाज परीवारेती
मार हिस्से रो संपुर्ण योगदान
सहभाग अन प्रेम दियु।
म हमेशा “आत्मा” पवित्र रकाडीव कुणशी षडयंत्र भावनाती वागीव कोनी।
म हमेशा ज्ञान, शिक्षा, व्यवसाय बाबत अग्रेसर रीयु व गरजु भाईबंदुन सहकार्य भावनाती समाज,राज्य,देशेर
प्रगती वास प्रर्यन्त शील रीयु।
म कुणशी संकट किवा आपत्ती बाबतीम आत्म विश्वास डळमळीत हेदु कोनी
संकटेर सामना करीव कारण मन पैदा करेवाळो परमेश्वर ई सेती सर्व शक्तिमान छ, मारो वोपर विश्वास छ, कारण मारो शरीर नाशवंत छ, मारो आत्मा प्रभुरो अंश अमर छ।
म संपुर्ण सृष्टी पर सुख शांती समाधान लायेर प्रयत्नशील रीॅयु।
म सृष्टी रचेता ईश्वर चरणी प्रार्थना करुचु, ये पृथ्वीपर हमेशा “शांती” रकाडेस।
किसन राठोड़
🙏किसु🙏
