Kailash Rathod

जते लगा आपण से भाई एकच वातेन लेन समाजे विचार करानी वोते लगा समाजेर भलो वेयेवाळो छेनी..
कारण आपण भाई भाईमाईच टिका टिपणी करन जिवन व्यार्थ घालरेचा..म मोठो म मोठो केन जिवनेम लार रेगेचा…”म”पणो छोडा अन्..समाजेर विचार करा…समाजेन जर खरो खर जोडेर वियतो “म” येर जागेपर “हम” लगान काम करा जना समाज जुडिय…आपण जरी सोंच वेगळी वेगळी विय तरी समाज एकच छ…समाजेर दु:ख एकच छ..नाक दाबे तो मुंडो खुलच..समजो मार भाईयों..समाज आपणो खुप लार छ..येर वोर किंवा जोक्स पोस्ट करेती आपणो काई फायदो कोनी वेयेवाळो…बंजारा समाजेम खुप मोठे अधिकारी वर्ग छ..खुप बुद्धीजिवी लोक छ…वो से वेन जर समाजेर विचार किदे तो समाज खुप जल्दी जुडगाय..कुणसी पक्षेर किंवा राजकिय पार्टीर प्रचार करन समाज जुडेनी.निस्वीर्थ पणेती दनेम एकच माणस जोडते चालो.समाज बद्दल एकच मॉसेज पोस्ट करते चालो कारण आपणो भी टाईम वाया जाव कोनी व दुसरेर भी मनेम द्वेष आवकोनी येर भी कारण छ..आपण समाज हितेर एकच मॉसेज पोस्ट कराचा अन् जोक्स १० मॉसेज पोस्ट कराचा..येर वास समाजेर एकच मॉसेज नाको समाजेर विचार कारा..से वेन सोबत काम करा…सेन साई वेस..जय सेवालाल🙏
गोर कैलास डी. राठोड
स्वयंसेवक गोर बंजारा संघर्ष समिती भारत,