सत्य
गोर जीवनमंत्र
आचो देखो, आचेकन बेसो,
माणस जे आकी ती, देखच उ मेंदुन मेसेज दच, पच मेंदु ओर
सहिनिशा करन निर्णय लच,
ऊ निर्णय मनेसाऊ जावच.
माणेसेर दी मन रच, एक मन कर कच ,एक मन मत कच.
जो हृदय ती करच , ओम यश मळेर शक्यता ज्यादा रच.
आचो हैगो तो , मनक्या स्वतान महान समजे लगजावच.
बला हेगो तो , खुदेर तिडकारा आये लगजावच.
जो सहन कर सकेनी, ऊ आत्म हत्या भी करलच.
जो विवेक बुद्धी ती , विचार करच ऊ, अजी लडेवास तयारी करच,आत्म विश्वास बडेवास,
आपण परिवार समाजेर विचार,
लच तो वोन सुदद वाट लाबच.
जीवन यशस्वी हेजावच, करन
आपणो समाज घणो महत्वेर छ, भियाओ जुडडो अन जोडो,आज जो टिव्ही, मिडिया, हाॅटसअप छ वोम फक्त आचो देखो, अन आचेर संगत रकाडो तो मनुष्य जीवन,सफल हे जाये।
जय सेवालाल।
किसन व्ही. राठोड
ठाणे
