सत्यजीवन
गोरबंजारा ग्रूप र से भाईन मारो प्रणाम.
समाजेमाईरो एक गरीबेर घरेती लेन ,मोटेती मोटो सावकार भियातोणी से भाईन एक मुटठी जोडते चालो.
ग्रूपे ती ग्रूप जोडते चालो,नदी नाळी नाळी नामेती एकमेकेम भळती जावच,पण से एकच महासागरेम भळती जावच.
वोरनाई गोरभाई नाळी नाळी नामेर संस्था, संलग्न जी.बी.एस.एस महासागरे ती जुडते चालो.
चिंता मत करो निस्वार्थ सेवा देते चालो ,सत्कर्म करते चालो, हफताम एक पुरा देशेम जागो जागा बैठके लेते चालो ,आचो विचारलेन से भळते चालो,समाजेरो चिंतन करते चालो .
भेदभाव मत करो,एकभाव बनो,
आपण एक काॅटंरवर्शी पुरा समाजेन दिशाहीन कर सकच
जेती, तोडणु सोपा जोडणु घणो कठीण ई गांभीर्य ओळखो,अन
निस्वार्थ पणे जुडो अन समाज
जोडते चालो.
मनेम शुध्द भावना,पवित्र हृदयती ती एकमेकेन साथ देते चालो,आये ठाले जायरो ठाले ई वाते कन्नाई मत भुलो.
सारी देशेर गोरभाई गोरबंजारा महासागरबनादो, पच तमेन केरी कन भीक मांगेर वेळ आव कोनी पच गोरूरो राज आयेन कोई रोक सक कोनी.
तमज तमार उध्दार कर्ता छो, बस्स तम सत्य र गाडीम,
बेसो तमार मंजिल एकदम
कन्न आवगीच.
इ अब परिक्षार घडी छ , तम समाजेती कत्रा प्रमाणिक छो, अब ई तमार हातेम छ जुडडो अन सेन जोडते चालो, बैठके लेते चालो,जी.बी.एस.एस जागृती न से संलग्न हेन आंग
बढते चालो.
सनमार्गेर वाटेन चालो,सत्य तमार सोबत तो,जीवनेरो उध्दार करेन परमेश्वर तमार सोबत छ ई मारो विश्वास छ जुडो अन सेन जोडते चालो।
किसु.
