अनवाल…
गोरगणेर खाणेर धाटी –
तलगाणेमं गोरमाटी चावळ जादा खावचं अन रांधीरुधी भाजीवासं “खोडी” ये शब्देर वापर करचं.लक्षार्थेती चावळ कतो रांधोरुंधायी चावळ हानू अर्थ सिद्ध वचं.लक्षार्थेती “खोडी” कतो मूंडो लगाडेनं कांयी छ कतोज चवीसारू विशेष कांयी छ तो खोडी;कतोज रांधीरुंधायी भाजी ई अर्थ भाषा व्यवहारेनं अभिप्रेत छ.
– मुंडो लगाडेनं कांयी छ आज ?
– आज लंगावण रांधमेली छू!
लंगावणेमं मूंडो लगाडेनं भाजीर गरज रेयेनी ये अर्थेती “लंगावण” इ शब्द सिद्ध वचं.गोर बोलीभाषा व्यवहारेमं मासबंदेसारू “लंगावण”ये शब्देर योजना छ.खेकडेर राबडी,बंदरी माचळीर खोडी,इंडार खोडी,झिंगार खोडी,भूंजीभांजी माचळीर खोडी ये शब्द गोर बोलीभाषा व्यवहारेमं रुढ छ,येमं मुंडो लगाडेनं स्वतंत्र भाजीर गरज भासेनी.
चिलवा,लापड- पातळी बाटी,गलवाणी ये गोरुर खाणेर धाटी च्यारीवडी सारखीज आढळ आवचं.ई धाटी कोरीकोरेमं आढळ आयेनी.
“थोडसेक घंऊर आटो,सूठ,काळीमरचे,टोपरो घालन वंगार देन मंदर मंदर आंगारेपं सिजाडो हूवो गोळेर पाणी कतो गलवाणी..!”
Galawanee – a sweet vegetarian recipe eaten with Lapad or Chilava.
गलवाणी,चिलवा,लापड ये गोर बोलीभाषार मालकीर स्वतंत्र शब्द छ.
झडीपाणीमं गलवाणीती चिलवा खायेर मजार वर्णन तो शब्देमं भी करतू आयेनी भा…
तो पचं वेजायेदोनी आज चिलवा अन गलवाणी…! बंनजारा डिश..!!
भीमणीपुत्र
मोहन गणुजी नायक
सौजन्य:- गोर कैलास डी राठोड,
